1. 主页 > 星座专栏 >69鹹片, 必属佳品 梁栢坚

69鹹片, 必属佳品 梁栢坚

首先係考古题,东乐戏院喺边度? 答得出至少五十岁或以上。东乐戏院位置即係宜家太子联合广场,七十年代已拆,当年呢间戏院唔止播电影,仲会做大戏。 -梁栢坚

梁栢坚讲解:咩係「脔」

69鹹片, 必属佳品  梁栢坚

1969年嘅鹹片,第一样入眼球反而係个英文名Forbidden Beauties,个名食紧紫禁城Forbidden City,再Google下,真係搵到,意大利导演Mino Loy1964年拍嘅。

69鹹片, 必属佳品  梁栢坚

好喇,明明係鹹片,身为文字人,都会先用上半身去研究下,究竟个「脔」字係乜? 照上文下理,有边读边,应该係个「慾」字啩 ?《禁慾俱乐部》好合理呀。错! 个「脔」字原来係读「恋」,乜恋要禁脔?

每日一字上身:脔,係古字,解一小块肉,二千年前汉朝已经用紧,「禁脔」者,即係「独自佔有而唔同其他人分享」,鹹片,改名条友都可以咁古雅,六七十年代独有文化,禁脔有型!

69鹹片, 必属佳品  梁栢坚

之但係,同时间又有好多市井抵死字眼「水火蕩女海上挑情」之类,又讲明「电检处交带,唔啱细路睇,认真对唔住」,广告用字咁活泼,用返传神广东话,一听就有画面。

当年报纸,有件鬼妹着住泳衣,已经令血气方刚嘅年轻人兴合合,喂唔争在教多个,正写应该係㷫熻熻,係啰呢个栏鹹得嚟又几学术下。